Hobbiten Bilbo Skrepping lever stillsamt og roleg i hola si. Men ein dag dukkar trollmannen Gandalv opp, i lag med tretten dvergar. Dei vil ha han med seg på ei lang – og farleg – ferd, for å røve skatten som vert vakta av den skrekkelege draken Smaug. Nærast mot si vilje vert Bilbo med på jakta, og til sist syner han seg å vera både rådsnøgg og ha evner som innbrotstjuv.
"I eit hol i marka budde det ein hobbit. Ikkje eit ufjelgt, skittvore og vått hol, fylt med makk og sure eimar, og heller ikkje eit turt, berrt sandhol utan noko å sitje på eller ete; det var ei hobbit-hole, og det tyder trivsel."
Originaltittel: The Hobbit
Oversetter: Eilev Groven Myhren
Eilev Groven Myhren fekk Nynorsk litteraturpris 2007 for si omsetjing av Ringdrotten (Lord of the Rings). Han har hovudfag i musikkvitskap ved Universitetet i Oslo, og har elles studert norsk, folkeminne og norrønt.
